Deputeti i partisë Demokracia e Re, Lefteris Avgenakis dhe ish ministri i Bujqësisë në Greqi dyshohet se ka sulmuar një punonjës të aeroportit të Athinës, pasi ai i tha se ishte tejet vonë për t’u ngjitur në avion pasi Gate ishte mbyllur.

Siç raportojnë mediat vendase, deputeti ka shkuar drejt sportelit duke kërcënuar punonjësin dhe duke i kërkuar atij llogari sesi kishte lejuar ngritjen e avionit që po udhëtonte drejt Kretës në një kohë që ai nuk ishte në avion.

Sipas asaj që shkruajnë mediat greke punonjësi kishte thirrur tri here emrin e ish ministrit dhe deputetit të parlamentit grek përpara mbylljes së Gate-it dhe nisjes së avionit.

Punonjësi 22 vjeçar i aeroportit ka ngritur padi penale kundër deputetit të partisë së Mitsotakis, por Lefteris Avgenakis thotë se ai ka imunitet.