×
  • Lajme
  • Botë

    Erdogani i gatshëm të diskutojë me talebanët për paqen në Afganistan

    Reporteri
    20 Korrik 2021 | 15:37

    Presidenti i Turqisë, Recep Tayyip Erdogan tha se vendi i tij po e shqyrton mundësinë të menaxhojë një aeroport të madh në Afganistan dhe se Ankaraja është e gatshme të diskutojë procesin e paqes afgane me talebanët, raporton AA.


    “Duke negociuar këtë proces me talebanët, ashtu si talebanët bënë disa bisedime me SHBA-në, talebanët duhet t’i mbajnë këto bisedime me Turqinë shumë më rehat”, tha Erdogan pas faljes së namazit të Bajramit në Qipron Veriore.

    Erdogan ndodhet në Qipron turke me rastin e 47-vjetorit të operacionit turk “Paqe në Qipro”.

    Duke iu referuar bisedimeve thelbësore afgane për paqen që mbahen në kryeqytetin e Katarit, Doha, Erdogan tha: “Unë mendoj se ne do ta përdorim mirë këtë proces. Ka edhe alternativa të tjera dhe ne aktualisht po punojmë për këto alternativa”.

    “Turqia po shqyrton mundësinë të merret me menaxhimin e Aeroportit të Kabulit, nëse plotësohen disa kushte. Së pari, SHBA-ja do të jetë në anën tonë sa i përket diplomacisë, në marrëdhëniet diplomatike. Së dyti, SHBA-ja do të mobilizojë mjetet e saj për ne sa i përket logjistikës dhe do t’ia transferojë Turqisë çfarëdo fuqie që ajo ka për sa i përket logjistikës”.

    Erdogan po ashtu tha se Turqia do të ketë nevojë për mbështetje “financiare dhe administrative” gjatë këtij procesi.

    Luftimet intensive midis forcave afgane dhe talebanëve vazhdojnë në kohën e tërheqjes së trupave të huaja nga vendi. Presidenti amerikan Joe Biden ka thënë se misioni ushtarak i SHBA-së në Afganistan do të përfundojë më 31 gusht.

    Bisedimet midis SHBA-së dhe Turqisë rreth sigurisë në aeroport pas tërheqjes amerikane vazhdojnë. Erdogan dhe Biden diskutuan çështjen në samitin e fundit të liderëve të NATO-s në Bruksel.

    Ankaraja ka menaxhuar operacionet ushtarake dhe logjistike të aeroportit të Kabulit për gjashtë vjet si pjesë e Misionit “Mbështetja e Vendosur” i udhëhequr nga NATO.

    Turqia, forcat e së cilës në Afganistan kanë qenë gjithmonë jo-luftëtare, thuhet se ka ofruar të ruajë aeroportin mes pikëpyetjeve se si do të garantohet siguria përgjatë rrugëve kryesore të transportit dhe në aeroport, i cili është porta kryesore për në kryeqytet. \ AA

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!