Bëhen realitet ëndrat e atyre që dëshironin të fluturonin në qiellin e kaltër të Austrisë, pasi për herë të parë në botë u prezantua një taksi-dron, të enjten në Vjenë, i kompanisë kineze “Ehang” që u ngrit disa dhjetëra metra, duke dhënë një ide të limituar të potencialit të kësaj teknologjie futuriste.
Ndërkohë që dhjetëra kompani botërore, mes të cilave “Boeing” dhe “Airbus”, janë përqendruar mbi këtë mënyrë lëvizjeje që pritet të revolucionojë transportin urban në një të ardhme të afërt, prodhuesi kinez ishte i pari që propozoi një fluturim publik për shumë përfaqësues të medies.
“EHang 216”, një mjet autonom me dy vende me një dizajn elegant, mjaftohet me disa ngritje të shkurtra vertikale prej disa dhjetëra metrash, të pasuara nga ulje në pikën e nisjes. Duke mos e kaluar tribunën e stadiumit “Generali Arena” të kryeqytetit austriak ku u zhvillua ky demonstrim.
Megjithatë niveli i zhurmës i “EHang 216”, një mjet që spostohet nga tetë helika, është aktualisht 90 db, një nivel më i ulët se sa ai i helikopterit klasik por që tejkalon zonën e rehatisë. Ky nivel pritet të ulet shumë shpejt në 75 db, sipas drejtuesve të këtij projekti.
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
© Reporteri (R Media L.L.C.), 2019-2025. Të gjitha të drejtat e rezervuara.