Franca do të lejojë që vaksinimet kundër COVID-19 të fillojnë edhe nga mosha 12 vjeçare, ka thënë të mërkurën Emmanuel Macron, presidenti i këtij shteti.

Ky njoftim vjen pasi Franca ka vaksinuar 50 përqind të popullsisë me dozën e parë të vaksinën kundër COVID-19.

Macron u ka bërë thirrje francezëve që të jenë jashtëzakonisht të kujdesshëm nga COVID-19, pasi ka rritje të numrit të rasteve në rajonin jugperëndimor të vendit, shkruan Euronews.

Vendimi për të filluar vaksinimi i adoleshentëve ishte marrë gjatë këshillit të mbrojtjes, i cili u mbajt në mëngjes në Pallatin Elysee.