Ceremonia e varrimit dhe lamtumirës së Alexei Navalny do të bëhet në Moskë të premten, tha zëdhënësi i tij, shkruan Skynews, përcjell Reporteri.net.

Një ceremoni do të zhvillohet në një kishë në distriktin juglindor Maryino në orën 14:00 me kohën lokale, tha Kira Yarmysh në një postim të bërë në platformën “X”.

Në postim ajo u tha njerëzve që të “vinin herët”.

Më pas do të bëhet funerali në varrezat e Borisovit, konfirmoi ajo.

Dje ne raportuam se si ekipi i Navalny po përpiqej të gjente një vend për ceremoninë e tij të lamtumirës pasi shumë vende po refuzonin atë./Reporteri.net/