Meksika të shtunën, për të dytën ditë resht, ka regjistruar një numër rekord rastesh me COVID-19.

Gjithsej 9.556 raste janë regjistruar për vetëm 24 orë, sipas shifrave të Sekretariatit Federal meksikan të Shëndetësisë.

Totali i rasteve me COVID-19 në Meksikë ka arritur tashmë në 434.193 dhe i të vdekurve në 47.472, pas 764 të vdekurve nga COVID-19 të regjistruar gjatë 24 orëve të fundit.

Meksika me 128.8 milionë banorë, është vendi i tretë në botë përsa i përket numrit të të vdekurve si pasojë e koronavirusit, pas SHBA-së dhe Brazilit. /Reporteri.net/