Parlamenti i Hungarisë e ka miratuar të hënën projektligjin që ia mundëson Suedisë anëtarësimin në NATO, raporton BBC.

Hungaria ka qenë vendi i vetëm prej 31 vendeve anëtare të NATO-s që e ka bllokuar anëtarësimin e këtij vendi nordik në aleancën veriatlantike, përcjell gazeta online Reporteri.net.

Ligjvënësit kanë votuar me 188 vota për dhe gjashtë kundër.

Suedia kishte aplikuar për anëtarësim në vitin 2022 pak kohë pasi nisi pushtimi rus i Ukrainës, mirëpo anëtarësimin e saj e kishte bllokuar Hungaria.

Kryeministri i Suedisë, Ulf Kristersson ka thënë se është ditë historike dhe se Suedia është e gatshme të mbajë përgjegjësinë për sigurinë euroatlantike”.