Irakianët po votojnë në zgjedhjet e para parlamentare që kur protestat masive kundër korrupsionit, papunësisë dhe shërbimeve të dobëta shpërthyen në vitin 2019.

Votimi ishte parashikuar vitin e ardhshëm, por u nxor më herët në përgjigje të trazirave, gjatë të cilave qindra njerëz u vranë.

Sistemi i vjetër zgjedhor i bazuar në listat e partive është zëvendësuar gjithashtu me një, që ka për qëllim të ndihmojë kandidatët e pavarur.

Sidoqoftë, blloqet kryesore myslimane shiite ende parashikohen të fitojnë shumicën e vendeve, shkruan BBC, përcjell Klankosova.tv

Ata kanë dominuar parlamentin që nga pushtimi i udhëhequr nga ShBA-të në vitin 2003, i cili përmbysi regjimin e Saddam Husseinit dhe krijoi një sistem të ndarjes së pushtetit të bazuar në identitetin sektar dhe etnik që lejoi një elitë të ngushtë të mbante një kontroll të fortë mbi pushtetin dhe inkurajoi patronazhin dhe korrupsionin.