×
  • Lajme
  • Botë / Lufta në Gaza

    Izraeli paralajmëron sulme ndaj Hezbollahut edhe nëse arrihet armëpushimi në Gaza

    Reporteri
    26 Shkurt 2024 | 22:41

    Ministri izraelit i Mbrojtjes ka paralajmëruar se do të ashpërsohen sulmet ndaj grupit militant të Hezbollahut në Liban edhe nëse arrihet armëpushimi me Hamasin në Rripin e Gazës, raporton Associated Press.

    Hezbollahu që ka shkëmbyer zjarr me Izraelin në vijën kufitare qëkur ka nisur lufta në Gaza, ka deklaruar se do të ndalë sulmet pothuajse të përditshme ndaj Izraelit nëse arrihet armëpushimi në Gaza.

    Mirëpo ministri Yoav Gallant ka deklaruar se kanë gabuar të gjithë ata që kanë menduar se armëpushimi i përkohshëm për Gazën do të bëhet edhe për pjesën veriore të vendit.

    “Ne do të vazhdojmë zjarrin dhe do ta bëjmë këtë pavarësisht se çfarë ndodh në jug, do ta bëjmë deri në arritjen e qëllimeve tona”, ka thënë Gallant.

    Hezbollahu ka nisur sulmet kundër Izraelit menjëherë pasi Hamasi nxiti luftimet në Gaza.

     

     

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!