Peniani pretendon se fëmijët jetimë të dërguar nëpër miniera po bëjnë punë vullnetare.
Media shtetërore e Koresë së Veriut pretendon se këta të mitur janë shprehur vetë të gatshëm të punojnë në fermat dhe minierat shtetërore.
Agjencia e lajmeve KCNA tha se qindra fëmijë “me vetëdije dhe kurajo, në kulmin e rinisë së tyre”, kanë vendosur të kryejnë punë për shtetin.
Moshat e tyre nuk janë bërë të ditura, por fotot treguan se një pjesë janë adoleshentë. Grupet për të drejta të njeriut e kanë akuzuar prej një kohe të gjatë vendin komunist se i detyron fëmijët të punojnë, ç’ka është mohuar gjithmonë nga autoritetet shtetërore.
Shkurtin e këtij viti, BBC raportoi rreth pretendimeve se disa gjenerata të burgosurish koreano-jugorë të luftës janë kthyer praktikisht në skllevër pune në minierat e qymyrgurit në Korenë Veriore, në mënyrë që regjimi të sigurojë para për programin e tij të armëve. Në muajin prill, lideri verikorean Kim Jong-un i paralajmëroi shtetasit e tij të përgatiten për kohë të vështira.
Koreja Veriore ka mbyllur kufijtë në vitin 2020 për shkak të pandemisë së koronavirusit, duke ndalur kështu edhe tregtinë me Kinën.
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
© Reporteri (R Media L.L.C.), 2019-2025. Të gjitha të drejtat e rezervuara.