Komisioni Kombëtar i Shëndetit i Kinës ka publikuar të dhënat e fundit të koronavirusit për vendin.

Ajo ka raportuar 101 raste të reja – nga 68 më parë – shifër më e lartë që nga mesi i prillit.

Nga rastet e reja, 89 u regjistruan në rajonin e largët perëndimor të Xinjiang, ku po bëhet testimi në masë, raporton Aljazeera.

Kështu, Kina shënon rikthimin e virusit që lindi dhe u përhap nga ky shtet, e që paralizoi gjithë botën. Javët e fundit, Kina u akuzuar se po fsheh rastet me COVID-19.

Sidoqoftë, edhe ky numër në Kinë, nuk kalon Kosovën e cila po shënon numër rekord me të infektuar. Vetëm dje u shënuan 239 raste të reja në Kosovë, transmeton Reporteri.net.