Kina i është përgjigjur Shteteve të Bashkuara të Amerikës duke u kërkuar të shikojnë punët e tyre, pasi shefi i Pentagonit akuzoi Pekinin për fshehje të informatave rreth pandemisë së koronavirusit.

Sekretari amerikan i mbrojtjes Mark Esper tha se ai nuk beson se liderët kinez janë të sinqertë sa i përket krizës globale.

Pekini sot dënoi komentet e Esper, duke i kërkuar Amerikës që të lë lojërat politike dhe të shpenzojë më shumë energji në menaxhimin e sëmundjes dhe ekonomi.

Numri i viktimave nga covid-19 në Wuhan u rrit me 50%, pasi vendi filloi të raportojë shifrat e prapambetura, me justifikimin se spitalet ishin plot, dhe ka pasur pasaktësi në raportim.