Një lituanez ka mbyllur bashkëshorten e tij në banjo nga frika se ajo është e infektuar me koronavirus, pasi që ajo ishte takuar me një grua kineze e cila kishte ardhur nga Italia.

Bashkëshortja e tij e ka thirrur policinë, të cilët erdhën menjëherë në banesën e tyre në Vilnius.

Burri tha se e mbylli bashkëshorten në banjo pasi që u konsultua përmes telefonit me mjekët se si t’i shpëtojë infektimit, bëjnë të ditur policia.

Burri nuk u arrestua dhe gruaja e tij nuk ngrehi padi ndaj tij.

Gruaja e lituanezit kreu testet për koronavirus dhe rezultoi negative.

Deri më tash, Lituania ka regjistruar vetëm një rast nga sëmundja vdekjeprurëse e cila po shpërndahet anë e mbanë globit.

Tunizia, Jordania dhe Indonezia dje janë bërë shtetet e fundit të prekura nga virusi.

70 shtete kanë regjistruar raste të infektimit me koronavirus, duke përfshirë më shumë se 30 në javën e kaluar.

Kriza ka filluar në qytetin kinez Wuhan në dhjetor dhe deri më tani afër 90 mijë njerëz janë diagnostifikuar me koronavirus, ku 3 mijë prej tyre kanë vdekur.

Rusia po ashtu ka konfirmuar dje edhe rastin e tretë të prekur me koronavirus, ku dy të parët janë shëruar.

Irani ka shënuar një rritje të madhe të numrit të rasteve të infektuara me koronavirus dhe bëhet e ditur se 1,500 pacientë janë future në karantinë.