SHBA dhe NATO do të tërheqin të gjitha trupat nga Afganistani brenda 14 muajve nëse Talibanët përmbushin angazhimet e tyre në bazë të marrëveshjes së Dohas, të nënshkruar sot, transmeton Reporteri.net.

Kjo u bë e ditur në një deklaratë të përbashkët nga qeveritë amerikane dhe afgane.

Sipas SHBA-së, në fazën e parë, ky shtet do të zvogëlojë numrin e trupave të tij nga rreth 13,000 në 8.600 brenda 135 ditëve.

Marrëveshja besohet se çon në përfundim të luftës 18-vjeçare, e cila filloi pas sulmeve terroriste të 11 shtatorit 2001 mbi Shtetet e Bashkuara.

Delegacioni i Talibanëve, i cili ka 31 delegatë, ka mbërritur tashmë në Katar, dhe marrëveshja është vendosur të nënshkruhet nga lideri politik i lëvizjes Abdul Gani Baradar.

Ceremonia e nënshkrimit u mbajt në Hotelin Sheraton dhe u ndoq nga sekretari i shtetit i SHBA-së, Mike Pompeo.

Nënshkrimi i marrëveshjes pasoi një javë pasi të dy forcat amerikane dhe talebanët janë zotuar të ulin dhunën. /Reporteri.net