Michel: Rusia duhet të pezullohet nga Këshilli i Sigurimit i OKB-së

Charles Michel, Belgium's prime minister and president-elect of the European Council, speaks during a news conference following a European Union (EU) leaders summit in Brussels, Belgium, on Tuesday, July 2, 2019. Christine Lagarde is set to swap the helm of the International Monetary Fund for that of the European Central Bank, becoming the first woman to run euro-area monetary policy just as the bloc’s economy looks in need of fresh stimulus. Photographer: Geert Vanden Wijngaert/Bloomberg

Presidenti i Këshillit Evropian, Charles Michel, ka bërë thirrje që Rusia pas pushtimit të Ukrainës të pezullohet nga Këshilli i Sigurimit të Kombeve të Bashkuara.

Michel kërkoi reforma, të cilat ai tha se janë të nevojshme dhe urgjente, shkruan CNN.

“Kur një anëtar i përhershëm i Këshillit të Sigurimit të Kombeve të Bashkuara fillon një luftë të paprovokuar dhe të pajustifikueshme, një luftë e dënuar nga Asambleja e Përgjithshme e OKB-së, pezullimi i tij nga Këshilli i Sigurimit duhet të jetë automatik”, tha Michel gjatë fjalimit të tij në Asamblenë e Përgjithshme të OKB-së të premten duke shtuar se Kremlini po përpiqet të “mobilizojë të gjithë botën kundër një armiku imagjinar”.

“Ne jemi këtu në Kombet e Bashkuara, shtëpia që bashkon njerëzit e botës. Dhe ne të gjithë e dimë se një sistem shumëpalësh i fuqishëm kërkon besim të ndërsjellë. Përdorimi i vetos duhet të jetë përjashtim, por po bëhet rregull,” tha ai./Klan Kosova