Ministri i Jashtëm i Ukrainës, Dmytro Kuleba, po e ka të vështirë të besojë se Organizata e Kombeve të Bashkuara po aplikon censurë të ngjashme me atë të Kremlinit brenda Rusisë, duke ndaluar përdorimin e fjalëve “luftë” dhe “pushtim”.

Në mediume ka qarkulluar lajmi se Kombet e Bashkuara u kanë thënë stafit të mos përdorin fjalë luftë dhe pushtim kur flitet për Ukrainën.

Mirëpo, ky lajm është përgënjeshtruar nga OKB-ja.

“Është e vështirë të besohet se OKB-ja mund të vendosë censurën e ngjashme me atë të Kremlinit brenda Rusisë, duke ndaluar përdorimin e fjalëve ‘luftë’ dhe ‘pushtim’ në mesin e stafit të OKB-së. I bëjë thirrje OKB-së që menjëherë të përgënjeshtrojë këto raporte nëse janë false. Reputacioni i OKB-së është në pyetje”, ka shkruar Kuleba në Twitter.

It’s hard to believe that the UN could essentially impose the same kind of censorship as the Kremlin imposes inside Russia now by banning the use of words ‘war’ and ‘invasion’ among UN staff. I urge the UN to swiftly refute such reports if they are false. UN reputation at stake.

— Dmytro Kuleba (@DmytroKuleba) March 8, 2022