Kryeministrja belge Sophie Williams u prit me shpinë të kthyer nga punonjësit shëndetësorë në Spitalin Saint-Pierre në Bruksel, në shenjë proteste për trajtimin e sektorit të shëndetësisë nga ana e qeverisë gjatë kësaj kohe.

Punonjësit e spitalit formuan një linjë  dhe u kthyen me shpinë kah makina me të cilën Kryeministrja belge erdhi për viztë zyrtare në spital, transmeton Reporteri.

Përfaqësuesit e punëtorëve mjekësorë në Belgjikë e shpjegojnë këtë akt me zhgënjimin e mjekëve lidhur me veprimet e qeverisë belge si gjatë pandemisë COVID19 ashtu edhe qasjes së përgjithshme ndaj sektorit të shëndetit në vend.

Autoritetet janë kritikuar për uljen e buxhetit për shëndetësi, pagat e ulëta, mungesën e personelit mjekësor dhe qëllimin për të punësuar staf të pakualifikuar në vend të infermierëve.

Duke komentuar “protestën e mantelëve të bardhë” nga zyra e Kryeministrit, theksojnë se qëllimi i qeverisë është të mbështesë menaxhimin e situatës së krizës, dhe jo ta bëjë atë edhe më të vështirë.

Gjatë pandemisë së koronavirusit Belgjika ishte në majën e botës për sa i përket numrit të vdekjeve për kokë banori. /Reporteri.net