Janë publikuar pamjet e momentit të atentatit ndaj senatorit kolumbian, Miguel Uribe Turbay, kandidat për president në zgjedhjet presidenciale të vendit vitin e ardhshëm.

Në “X” janë shpërndarë shumë pamje kur i njëjti është qëlluar me armë në kokë nga një 15-vjeçar i cili tashmë është arrestuar.

Sipas një raporti mjekësor në spitalin e Fondacionit Santa Fe, ai u pranua atje në një “gjendje kritike” dhe ende po i nënshtrohet një “procedure neurokirurgjike dhe vaskulare periferike”.

Qeveria atje po ofron një shpërblim prej 730 mijë dollarësh për informacion dhe presidenti Gustavo Petro tha se hetimi do të fokusohet në atë se kush e urdhëroi sulmin.