Pesëdhjetë vjet nga një pushtim që e ndau ishullin e Qipros më dysh, shumë banorë – si grekët qipriotë, ashtu edhe turqit qipriotë – ende shpresojnë për një zgjidhje, raporton Radio Evropa e Lirë.

Qiproja u bë pjesë e Bashkimit Evropian më 2004, pavarësisht të qenët ishull i ndarë, përderisa e vetëshpallura Republikë Turke e Qipros Veriore mbetet e izoluar ndërkombëtarisht dhe e njohur vetëm nga Turqia.

Më 20 korrik 1974 trupat turke pushtuan veriun e Qipros, një ngjarje madhore që bëri që ishulli mesdhjetar të jetë i ndarë edhe sot.

Pushtimi u nxit nga një puç ushtarak, i mbështetur nga Qeveria greke që mëtoi të bashkonte ishullin me Greqinë.

Republika turkq e Qipros Veriore shpalli njëanshëm pavarësinë më 1983, por shteti u njoh vetëm nga Turqia, e cila mban mijëra trupa në ishull.