Më shumë se 80 punonjës të ndihmës, përfshirë disa të punësuar nga Organizata Botërore e Shëndetit (OBSH) u përfshinë në incidente të abuzimit seksual dhe shfrytëzimit gjatë një krize të Ebola në Republikën Demokratike të Kongos, tha të martën një komision i pavarur.

Ky hetim u bë në vitin e kaluar nga Fondacioni Thomson Reuters dhe The New Humanitar, në të cilin më shumë se 50 gra akuzuan punonjësit e ndihmës nga OBSH dhe bamirësitë e tjera se kërkonin seks në këmbim të vendeve të punës midis 2018-2020.

Në raportin e tij të shumëpritur, komisioni zbuloi se rreth 21 nga 83 autorët e dyshuar ishin punësuar nga OBSH, dhe se abuzimet, të cilat përfshinin nëntë akuza për përdhunim, ishin kryer nga stafi kombëtar dhe ndërkombëtar.

“Ekipi shqyrtues ka vërtetuar se viktimave të supozuara iu ishte premtuar punë në këmbim të marrëdhënieve seksuale ose në mënyrë që të mbanin punën e tyre,” tha anëtari i komisionit Malick Coulibaly në një konferencë shtypi.

“Shumë nga autorët meshkuj refuzuan të përdorin prezervativ dhe 29 nga gratë mbetën shtatzënë dhe disa u detyruan që më vonë të abortonin nga abuzuesit e tyre”, shtoi ai.

Dëshmitare vendase thanë se ishin dehur dhe më pas detyruar që të kryenin marrëdhënie seksuale në më shumë se një rast.

Një vajzë, një 14-vjeçare e quajtur si “Jolianne” në raport, i tha komisionit se po shiste kartat e rimbushjes së telefonit buzë rrugës në prill 2019 në Mangina kur një shofer i OBSH-së i ofroi një udhëtim për në shtëpi. Në vend të kësaj ai e çoi atë në një hotel ku ajo thotë se e përdhunoi dhe më vonë lindi fëmijën e tij.

Drejtori i Përgjithshëm i OBSH-së Tedros Adhanom Ghebreyesus tha se kjo ishte “e pafalshme”. Ai tha se raporti prej 35 faqesh ishte shqetësues dhe u kërkoi falje drejtpërdrejt viktimave dhe të mbijetuarve të shfrytëzimit dhe abuzimit seksual.

“Më vjen keq për atë që ju është bërë nga njerëzit që janë punësuar nga OBSH për t’ju shërbyer dhe mbrojtur ju. Prioriti ynë është përparësia ime kryesore që autorët të mos shfajësohen, por të mbahen llogari”, tha ai.