Natalia Fileva, një ndër gratë më të pasura të Rusisë, humbi jetën pas aksidentit ajror të avionit në Gjermani.

Të dielën e 31 marsit, një avion 6-vendësh i nisur nga Kana e Francës nuk mundi të bënte ulje të sigurt, duke u rrëzuar në Egelsbach, jo shumë larg nga pista.

Përveç 55-vjeçares, në bord ishte një person tjetër si edhe piloti, të cilët fatkeqësisht gjithashtu kanë humbur jetën.

Natalia Fileva ishte bashkëpronare e kompanisë së dytë më të madhe ajrore në Rusi, e njohur si “Siberia Airlines”. Pasuria e saj vlerësohet rreth 550 milionë euro, ndërsa bashkëshorti i saj, Vladislav Filev, është administrator i deleguar i kompanisë. Në vitin 2018, revista “Forbes” e renditi Filevën si gruan e katërt më të pasur në Rusi.