Rusia bëhet shteti i parë në botë që fillon procesin e vaksinimit anti-COVID edhe për kafshët. Vaksinimi ka filluar ditën e sotme në rajone të ndryshme të vendit, ku edhe janë kryer studimet klinike për dozën e përshtatur për kafshët.

Sipas agjencisë së lajmeve RIA, Moska, Riazani dhe Briansku kanë qenë qytetet e para ku ky proces ka filluar dhe më pas pritet të përhapet edhe për Krimenë dhe Shën Petërburgun.

Vaksina e quajtur “Carnivac-COV” është e vetmja e përshtatur për përdorim për kafshët dhe aktualisht mund të administrohet tek macet, qentë dhe dhelprat.