Shifra të larta të infektuarish me Covid janë shënuar gjatë 24 orëve të fundit në vendin fqinj Greqi.

Mediat greke shkruajnë se numri i pacientëve të intubuar është më i lartë se kurrë, në 24 orët e fundit raportohet të jenë 480, ndërsa 60 pacientë humbën jetën.

Raste të reja janë 3,209 duke çuar numrin e përgjithshëm është 82,034, nga të cilët 53,7% janë burra.

4,714 (5,7%) e rasteve konsiderohet se kanë të bëjnë me udhëtime nga jashtë.

Mosha mesatare e 480 personave të intubuar është 65 vjeç, 148 (30.8%) prej tyre janë gra. 81% kanë një sëmundje bashkëshoqëruese ose janë të moshës 70 vjeç e lart.

Me 60 vdekjet e 24 orëve të fundit, numri total kap shifrën 1,288, ndërkohë që mosha mesatare e vdekjeve ishte 80 vjeç dhe 97.4% kishin një sëmundje bashkëshoqëruese.