Disa persona u plagosën dhe banorët u detyruan të largoheshin pas një shpërthimi në një pikë karburanti në Romë këtë mëngjes. Pamjet nga vendi i ngjarjes treguan kaos dhe tym të madh që përhapej në këtë zonë.

Sipas raportimeve deri më tani janë 21 të lënduar, transmeton gazeta online Reporteri.net.

Sipas gazetës italiane Corriere della Sera, tetë oficerë policie dhe një zjarrfikës u lënduan në shpërthim, dhe ekipet e zjarrfikësve ende po punojnë për të shuar zjarrin. Banorët i thanë mediumit se shpërthimi , i cili tronditi banorët aty pranë, bëri që “copa qelqi dhe hekuri të fluturonin kudo”.

Sipas dëshmive të publikuara në mediat sociale dhe të raportuara nga gazeta italiane, fillimisht shpërtheu një zjarr dhe më pas, rreth orës 8:18 sipas orës lokale, pasuan dy shpërthime me radhë, i dyti prej të cilëve ishte më i fuqishëm.

BREAKING: Massive explosion at gas depot in Rome, Italy. Multiple injuries. pic.twitter.com/tlAcJSURLN

— AZ Intel (@AZ_Intel_) July 4, 2025

Kryeministrja italiane Giorgia Meloni foli me kryebashkiakun e Romës, Roberto Gualtieri, në lidhje me incidentin, raportoi gazeta Corriere. Shpërthimi ndodhi në lagjen Prenestino, në juglindje të Romës, pranë një kopshti dhe një klubi sportiv. Policia po kontrollon ende zonën për të parë nëse ka dëme të mëtejshme. /Reporteri.net/