Shtimi i rasteve me Covid-19 në Madrid ka bërë që qeveria spanjolle të shpallë gjendjen e jashtëzakonshme për të parandaluar rritjen e numrit të infektimeve.

Ky vendim vjen pas refuzimit të një dite më parë nga Gjykata e Lartë të masave të detyruara në rajon nga qeveria qendrore.

“Gjykata refuzoi ratifikimin e masave, sepse ato dëmtuan të drejtat dhe liritë themelore të 4.5 milion banorëve të prekur nga bllokimi i pjesshëm” tha në një deklarate Gjykata.

Autoritete të qendrës së djathtë kanë kundërshtuar masat e qeverisë duke shtuar se shpallja e gjendjes së jashtëzakonshme nuk është e domosdoshme.