Ministria e Punës në Spanjë ka deklaruar sot se shkalla e papunësisë ka rënë në nivel historik, prej kur ka nisur mbledhja e të dhënave në vitin 1996. Numri i personave të regjistruar si të papunë ka rënë për 129,378 muajin e kaluar, ndërsa në prill për 39,012. Shifra e të papunëve aktualisht arrin në 3.78 milionë.

Të dhënat kanë treguar se shifra e personave të papunë ka rënë në të gjitha fushat, përfshirë industrinë e prodhimit, bujqësinë dhe ndërtimin.

Edhe shifra e personave të papunë të moshës nën 25 vjeç ka rënë për 9.27 për qind, në krahasim me muajin paraprak.

Në artikullin e publikuar nga El Pais thuhet se rënia historike e numrit të papunëve përkoi me përfundimin e gjendjes së alarmit në 9 maj, ku u hoqën kufizimet e koronavirusit, të tilla si ora policore dhe ndalimi i udhëtimit ndër-rajonal. Kjo nga ana tjetër rriti aktivitetin në sektorë të tillë si turizmi dhe industria e mikpritjes.

Artikulli i përkthyer nga El Pais.