Sulmi ndaj Rushdies, shkrimtari u përgjigjet pyetjeve të Hetuesisë

Shkrimtari Salman Rushdie është zgjuar nga operacioni që pati pas sulmit ndaj tij në Nju Jork.

Anipse akoma po qëndron në spital për rikuperim, i njëjti u është përgjigjur pyetjeve të hetuesve në lidhje me rastin, raporton CNN, përcjell Gazeta Online
Reporteri.net.

Sidoqoftë, ende nuk është e qartë se çka në fakt Rushdie u tha atyre në lidhje me sulmin ndaj tij, sulm ky që ngjalli reagime të shumta.

Ende nuk e dihet se si iu mundësua depërtimi në skenë të dyshuarit, mirëpo Hetuesia po punojnë bashkë me institucionin ku ndodhi sulmi që ta zbardhin rastin
përmes kamerave të sigurisë.

I dyshuari 24-vjeçar, Hadi Matar, raportohet se u ngjit në skenë derisa Rushdie po mbante fjalim në “Chautauqua Institution” dhe iu sul shkrimtarit, me ç’rast e sulmoi me thikë në qafë e në pjesën e stomakut, si dhe disa lëndime në syrin e djathtë dhe gjoks. /Reporteri.net/