Organizata Botërore e Shëndetësisë ka lajmëruar se është duke analizuar dhe duke kryer testet e pavarura për vaksinën anti-COVID të prodhuar në Rusi, Sputnik V. Një përgjigje definitive për efektshmërinë dhe sigurinë e kësaj vaksine do të jepet brenda dy muajve të ardhshëm nga ky organizëm.

Certifikimi nga OBSH i hap rrugë miratimit për përdorimin e vaksinës edhe nga Agjencia Europiane e Medikamenteve, çka do të mundësonte shtetet europiane me mungesë vaksinash si Gjermania të importojnë dozat që u nevojiten nga Rusia.

Gjithashtu, ky do të ishte dhe lajm i mirë për shqiptarët e vaksinuar me të, pasi do të përfshihej në kompanitë e miratuara për marrjen e certifikatës COVID të BE që lejon udhëtimin e lirë brenda Unionit.