Sulltani i Omanit, Qaboos bin Said al Said, ka vdekur në moshën 79 vjeçare. Ai sundoi Omanin për 50 vjet. Në vend të tij është emëruar Haitham bin Tariq. Sulltani i Omanit vdiq të premten ka njoftuar Agjencia shtetrore e lajmeve në Oman. Nuk është bërë i ditur shkaku i vdekjes.

Omani, në skajin lindor të Gadishullit Arabik dhe një aleat kyç perëndimor, ka shpallur një periudhë tre-ditore të zisë kombëtar, shkruan Sky News.

Sulltani Qaboos ishte udhëheqësi që shërbeu më se gjati në Lindjen e Mesme, pasi sundoi vendin që nga viti 1970, kur mori udhëheqjen nga babai i tij në një grusht shteti paqësor.
Lindur në Oman në vitin 1940, ai udhëtoi në Mbretërinë e Bashkuar në 1958 dhe u bashkua me ushtrinë britanike, transmeton Reporteri.net.

Ai u kthye në Oman në 1966 dhe u vu nën arrest shtëpiak nga babai i tij në pushtet, për ta ndarë atë nga punët e qeverisë.

Duke u lodhur nga udhëheqja e babait të tij dhe me një dëshirë për ndryshim, ai nisi një grusht shteti kundër tij në vitin 1970. Qaboos u mbështet nga Britania e Madhe.
Udhëheqja e sulltanit vlerësohet se përmirësoi në mënyrë drastike standardet e jetës në Oman duke reformuar një komb që kishte probleme esenciale.

Ai përdori të ardhurat e naftës gjatë mbretërimit të tij për të ndërtuar shkolla, rrugë dhe spitale, si dhe për të inkurajuar zhvillimin e ndërmarrjeve private.

Sulltani gjithashtu e përjashtoi skllavërinë në të njëjtin vit kur erdhi në pushtet – dikur një pjesë e rëndësishme e ekonomisë së Omanit.

Por papunësia, e cila ndezi demonstrime në 2011, mbetet e lartë dhe shteti është mbështetur gjithnjë e më shumë në huamarrjen e jashtme pasi çmimet e naftës kanë rënë.

Sulltan Qaboos nuk kishte fëmijë dhe nuk e kishte emëruar publikisht një pasardhës.

Sidoqoftë, ai regjistroi fshehurazi zgjedhjen e tij në një letër të mbyllur nëse familja mbretërore nuk pajtohej në linjën e radhës.

Kishte një numër kandidatësh të mundshëm për të zëvendësuar Sulltanin e plakur dhe nuk ishte e qartë nëse tranzicioni do të ishte i qetë.

Haitham bin Tariq, 65 vjeç, që pason Sulltanin Qaboos, ka lidhje të forta me Mbretërinë e Bashkuar, pasi ka shërbyer për disa vjet edhe në në Universitetin të Oksfordit.

Vitin e kaluar, Shoqëria Anglo-Omani organizoi një pritje ku morën pjesë Haitham bin Tariq dhe Duka i Jorkut./Reporteri.net