Një burrë, i cili u shpall i vdekur pas një aksidenti automobilistik në Indi, ka rezultuar i gjallë, ndonëse në gjendje kritike, pasi ka kaluar një natë në morg. Mediat e huaja shkruajnë se lajmi u bë i ditur sot nga drejtori i spitalit.

Srici Kumar, 45-vjeç, u dërgua në një klinikë private pasi u aksidentua nga një motoçikletë në Morandaban, në lindje të Nju Delhit, të premten. Mjeku që e ka ekzaminuar aty ka konfirmuar vdekjen e tij dhe ka kërkuar që trupi të dërgohet në spitalin publik për autopsi-nekropsi.

“Mjeku e ka ekzaminuar me urgjencë. Ai nuk gjeti asnjë gjurmë jete dhe për këtë arsye e shpalli të vdekur”, tha Rajendra Kumar, drejtoreshë e spitalit publik.

‘Viktima’ u vendos në morg derisa të afërmit e tij mbërritën në spital, gjashtë orë më vonë. “Kur policia dhe familja shkuan për të nisur procedurën burokratike për autopsinë, konstatuan se ai ishte i gjallë”, shtoi drejtori.

45-vjeçari po trajtohet në gjendje kome. Autoritetet po kryejnë një hetim për të përcaktuar se si është bërë diagnoza e gabuar./tch