Një vrasës serik nga Kenia, është torturuar nga Policia e Kenia për të dhënë një rrëfim të tij, ka treguar avokati i tij në Nairobi.

Policia njoftoi më vonë se pas torturës, Collins Jumaisi Khalusham 33-vjeçar, kishte rrëfyer se kishte vrarë 42 gra prej vitit 2022, përfshirë edhe gruan e tij, shkruan BBC, transmeton gazeta online Reporteri.net.

I njëjti ishte arrestuar pasi ishin zbuluar nëntë trupa të gjymtuar dhe hetimet çuan rrugën drejt tij.

Pas seancës, në të cilën Khalusha u shfaq me pranga, por nuk foli, avokati i tij tha se shpresonte se rrëfimi do të fshihej nga të dhënat e gjykatës.

Ai shtoi se kishte kërkuar që klienti i tij të dërgohej në spital për trajtim urgjent.

Khalusha u arrestua në një bar të hënën herët në mëngjes teksa po shihte finalen e futbollit të Euro 2024 mes Spanjës dhe Anglisë.

Më pas ai i çoi oficerët në shtëpinë e tij pranë vendit të krimit ku u gjetën 10 telefona, një laptop, karta identiteti dhe veshje personale femërore, tha policia./Reporteri.net/.