Eugen Cakolli nga KDI është shprehur i bindur se vendimi i Komisionit Qendror të Zgjedhjeve për moscertifikimin e Listës Serbe, do të rrëzohet ose nga PZAP ose Gjykata Supreme, shkruan Reporteri.net.

Sipas Cakollit, i vetmi rezultat që do ta prodhojë ky vendim, është “paraqitja jonë si palë ku ndërhyhet politikisht në zgjedhje, ku nuk përfillen kriteret e caktuara ligjore, apo ku partitë e komuniteteve jo-shumicë “pengohen” të garojnë në zgjedhje.”

“Nëse ka shqetësime reale për aktivitetin e Listës Serbe, ekzistojnë procedura të qarta ligjore për çregjistrimin e një partie politike. Por këto procedura kërkojnë prova dhe procese të rregullta, jo vendime ad-hoc si ky për refuzimin e certifikimit. Sistemi ligjor nuk funksionon me fjalë e diskurs, por me procedura dhe rregulla. Prandaj, edhe në këtë rast, s’është hiç me rëndësi kush është palë”, ka thënë Cakolli.

Shtetet e Bashkuara dhe Gjermania kanë shprehur shqetësim për moscertifikimin e Listës Serbe.

Pas ShBA’së, edhe Gjermania reagon për moscertifikimin e Listës Serbe: Procedurë që nuk duhet të politizohet

SHBA thellësisht e shqetësuar për moscertifikimin e Listës Serbe: Veprimi i KQZ-së dëmton zgjedhjet e lira