Deputeti i VV-së, Hajrullah Çeku, ka kritikuar Qeverinë Hoti për heqjen e reciprocitetit me Serbinë.

Ai tha se qeveria Hoti siç e quajti ilegale mund t’i mbajë zyret, por se VV do t’ia kujtoj se kanë mashtruar.

“Ju mbase mund t’i mbani të uzurpuar zyrat tona, por na keni këtu jemi, për t’ju kujtuar se keni mashtruar, qytetarëve ia kërkuat votën duke thënë se do ta vendosni reciprocitetin e tani e hiqni. Nuk gjen askund në botë asnjë qeveri që e heq reciprocitetin. Që heq dorë nga barazi me një shtet tjetër”, ka deklaruar Çeku para deputetëve, shkruan Reporteri.net.

Ai shtoi se seanca e sotme është përpjekja e radhës për të imponuar se në Kosovë s’ka ndodhur asgjë.

“Seanca e sotme është përpjekja e radhës për të imponuar se sikurse në Kosovë nuk ka ndodhur asgjë. Qeveri ilegale. Nga tjetërsimi i vullnetit të qytetarëve e deri te dërgimi i dialogut nën udhëheqjen e presidentit”, tha ai. /Reporteri.net/.