Çështja e referendumit, Vuçiq pret në takim përfaqësuesit e serbëve në Kosovë

Presidenti i Serbisë, Aleksandar Vuçiq, ka pritur sot në takim përfaqësuesit e serbëve Kosovë.

Në takim ndër të tjera po merr pjesë kryetari i Listës Serbe Goran Rakiq, nënkryetarët e Listës Serbe Igor Simiq, dhe Dalibor Jevtic, si dhe drejtori i të ashtuquajturës Zyrë për Kosovën në Qeverinë e Serbisë, Petar Petkoviq, transmeton Reporteri.net.

Temë e bisedës raportohet se do të jetë edhe çështja e referendumit që do të mbahet të dielën në Serbi, e që serbët po kërkojnë të lejohet mbajtja e tij edhe në Kosovë.

Kryeministri Albin Kurti për mediat pas takimit me ambasadorët e shteteve të QUINT-it, ka thënë se tri institucionet kyçe të shtetit do të dalin me komunikatë të përbashkët gjatë ditës, duke mos dhënë detaje më shumë.

Kurti paralajmëroi seancë të jashtëzakonshme për të shtunën.