Daçiq: Nuk merrem më me tërheqjen e njohjeve, pavarësia e Kosovës ka vdekur

Ministri i Jashtëm serb, Ivica Daçiq tha sot se atij nuk do t’i duhet të flasë më për tërheqje të reja të njohjes së pavarësisë së Kosovës, sepse siç tha ai “pavarësia e Kosovës” tashmë ka vdekur, shkruajnë mediat serbe, transmeton Reporteri.net.


“Nuk po tallem, po flas me të vërtetë, disponimi është i tillë. Ata nuk do të tërhiqeshin nga kandidimi në Interpol po të mos ishte situata e tillë”, u shpreh Daçiq gjatë një vizite në Panairin e Mediave në Beograd.

Ndër të tjera, ai u shpreh se Kosova “nuk mund të shkojë më askund ku është e nevojshme një shumicë prej dy të tretave dhe ku vendet evropiane nuk pyeten”.

Duke folur për raportin e Bashkimit Evropian dhe shoqatave botërore ndaj çështjes së Kosovës, Daçiqi tha se kur tek ai të vijë ambasadori i Britanisë së Madhe, ai do ta vë flamurin e Republikës Serbe dhe do të shohë nëse Ambasadori do të ulet pran tij. /Reporteri.net