Dardan Krivaqa është shpallur fajtor për vrasjen e Marigona Osmanit. I njëjti është dënuar me burgim të përjetshëm, shkruan Gazeta Online Reporteri.net.

Vendimi është shpallur sot nga Gjykata Themelore në Ferizaj.

Fajtor për bashkëpjesëmarrje në “vrasje të rëndë”, është shpallur edhe i akuzuari tjetër Arbër Sejdiu.

Të dy janë liruar nga akuza për veprën penale të dhunimit.

Ndërkaq, i akuzuari tjetër Arbër Sejdiu është dënuar me 15 vite burgim.

Në dënimin e shqiptuar të dyve do t’u llogaritet koha e kaluar në paraburgim.

Avokati i familjes së Marigona Osmanit, Gazmend Rexhepi, tha që familja është është e shqetësuar lidhur me dënimin me 15 vjet burgim për të akuzuarin e dytë.

Ata thanë se do ta apelojnë këtë vendim, pasi sipas tyre edhe Sejdiu, po njëjtë si Krivaqa meriton burgim të përjetshëm.

Vrasja e Marigona Osmanit konsiderohet si një nga më të rëndat që nga paslufta në Kosovë.

Ajo ishte 18-vjeçare kur u vra më 22 gusht të vitit 2021 në banesën e të akuzuarit kryesor, Dardan Krivaqa, në qytetin e Ferizajt. /Reporteri.net/