Ish-deputeti i Aleancës për Ardhmërinë e Kosovës, Daut Haradinaj, ka zhvilluar një takim me presidentin e Republikës së Shqipërisë, Ilir Meta.

Në një fotografi të postuar në Facebook nga presidenti Meta, ata shihen duke pirë raki Skrapari.

Meta ka shkruar se një gotë raki shërben si inkurajim për aventurën e tij të re, e cila do të jetë tashmë maja më e lartë në Shqipëri ajo e Malit të Korabit.

Kjo majë shkon në lartësinë 2751 metra mbi nivelin e detit.