Kryesuesi i seancës konstituive, Avni Dehari, i ka ftuar përfaqësuesit e partive politike në një takim konsultativ para vazhdimit të seancës konstituive.
Takimi është thirrur për në orën 11:30, për t’u dakorduar paraprakisht se si të shkohet tutje me konstituimin e Kuvendit.
Thirrjen e këtij takimi e ka konfirmuar për Reporteri.net, deputetja e zgjedhur e PDK’së, Ariana Musliu-Shoshi.
“Po, në ora 11:30 është thirrur takimi konsultativ”, ka thënë Musliu-Shoshi.
Edhe Time Kadriaj nga AAK e ka konfirmuar ftesën për një takim të tillë.
“Po, jemi ftu”, ka deklaruar Kadriaj për Reporteri.net.
Reporteri.net ka pyetur edhe partitë e tjera për këtë ftesë, mirëpo deri në momentin e publikimit të tesktit s’ka marrë përgjigje.
Në një takim të tillë, Dehari i kishte ftuar partitë edhe të enjten, mirëpo pasi kishte filluar seanca. Pas përfundimit të atij takimi, raporti për verifikimin e mandateve të deputetëve s’ishte hedhur fare në votim dhe seanca është ndërprerë.
Partitë kanë akuzuar njëra-tjetrën për bllokimin e formimit të institucioneve të reja. PDK, LDK, AAK po insistojnë që anëtarët e kabinetit qeverisës, duhet të japin dorëheqje formale që të betohen si deputetë dhe nuk duhet të vazhdojnë punën në ekzekutiv.
Ndërkohë, Kryeministri në detyrë, Albin Kurti, po e cilëson si të pakuptimtë kërkesën për dorëheqje. Sipas tij, Qeveria e tij është në dorëheqje që nga 23 marsi./Reporteri.net
Në seancën e sotme konstituive të Kuvendit, dy herë ka dështuar të shtunën votimi i kandidatit të LVV-së për kryeparlamentare. Emri i propozuar nga partia e dalë e para në zgjedhje ishte Albulena Haxhiu.
Pas këtyre dështimeve në numra, nga partia e Albin Kurtit kanë dalë me propozimin e shpërndarjes së Kuvendit dhe shkuarje në zgjedhje të reja, shkruan Reporteri.net.
Është zyrtari i VV-së, Blerim Sallahu, që në Qeverinë Kurti 2 ka mbajtur pozitën e zëvendësministrit të Drejtësisë, ka thënë se opozita duhet ta votojë kandidaten e tyre dhe më pas me pajtim të gjitha partive të shkohet në zgjedhje të reja.
“Opozita më në fund ra në linja ligjore dhe kushtetuese për sa i përket votimit të raportit për verifikim të mandatave dhe kuorumit. Pra, ata kanë bërë sjellje jokushtetues, e jo ne. Tash duhet opozita të votojë kandidaten për kryetare të Kuvendit, meqë edhe na takon sipas Kushtetutës dhe pas kësaj, duhet një pajtim i të gjitha partive politike në formë të shkruar në mënyrë që të shpërndahet Kuvendi dhe të shkojmë në zgjedhje. Kjo është ecje përmes shtratit kushtetues!”, ka shkruar Sallahu në Facebook.
Kujtojmë se kandidatja e propozuar për kryekuvendare nga VV, Albulena Haxhiu, në dy herë dështoi të zgjedhet nga Kuvendi, pasi mori vetëm 57 vota, nga 61 sa është e nevojshme.
Kryesuesi i Kuvendit, Avni Dehari, ka njoftuar se seanca e radhës do të mbahet pas 48-orësh, të hënën.
/Reporteri.net/.
Kryetari i NISMA-s, Fatmir Limaj, e ka quajtur lajm të mirë votimin e raportit për verifikimin e deputetëve dhe më pas betimin e tyre.
Ai ka thënë se më pas do të vazhdohet me hapat e tjerë.
“Kosova tani ka Parlament dhe deputetë dhe ata do të gjejnë rrugë për hapa të tjerë”, tha ai.
“Shumë shpejt edhe këto pjesë tjera do të përfundojnë dhe sipas ligjit dhe Kushtetutës të konstituohet Kuvendi dhe Qeveria”, shtoi Limaj.
Por, ai më pas nuk u ndalë të përgjigjet në pyetjet e gazetarëve që kishin për të. /Reporteri.net/.
Kuvendi i Kosovës ka dështuar edhe në tentativën e dytë ta zgjedhë Albulena Haxhiut Kryetare të Kuvendit të Kosovës.
Nisma sërish abstentoi. Vota për ishin sërish 57, teksa 20 kundër.
Kryesuesi i seancës, Avni Dehari, tha se seanca ndërpritet për 48 orë.
Kur e propozoi për herën e dytë Haxhiun, Nënkryetari i VV’së, Glauk Konjufca, i luti deputetët ta votojnë.
“Propozimi ynë është padyshim i njëjtë ,është znj.Albulena Haxhiu. Është një e drejtë e partisë fituese, që e kodifikon ushtetuta. Kështu që iu kisha lut, si kolegë, shumë prej juve me shumë mandate në Kuvend, ta mbështesni këtë propozim, sepse vetëm kështu nuk bëhemi pjesë e bllokimi të themelimit të institucioneve. T’i thirrim arsyes të gjithë, që ta votojmë, e të shkojmë në faza të tjera”, deklaroi Konjufca./Reporteri.net
Lëvizja Vetëvendosje e ka propozuar për Kryetare Kuvendi sërish Albulena Haxhiun.
Glauk Konjufca kërkoi nga deputetët që ta votojnë Haxhiun për kryekuvendare.
“Ju kisha lut si Kuvend në shumë mandate, t’i thirremi arsye të shkojmë në fazat tjera”, tha Konjufca, shkruan Reporteri.net.
Kujtojmë se herën e parë Albulena Haxhiu nuk arriti të bëhet kryekuvendare, pasi mori vetëm 57 vota. /Reporteri.net/.
Pas dështimit të zgjedhjes së Albulena Haxhiut kryetare të Kuvendit, deputetët e partive kthehen në sallën e seancave plenare, shkruan Reporteri.net.
Deputetët e parë që u kthyen në seancë ishin ata të Lëvizjes Vetëvendosje, pastaj të Partisë Demokratike të Kosovës dhe më pas të Lidhjes Demokratike të Kosovës dhe më pas ata të NISMA-s.
Nuk dihet ende nëse do të ketë sërish përpjekje të re për të votuar kryetarin e Kuvendit.
Kujtojmë se kandidatja e parë që u propozua nga Vetëvendosje ishte Albulena Haxhiu, por Kuvendi dështoi ta zgjedh atë.
Pro votuan 57 deputetë, 20 votuan kundër, kurse tre deputetët e NISMA-s abstenduan. /Reporteri.net/.
Lidhja Demokratike e Kosovës do të bëjë kallëzim penal ndaj Albin Kurtit si kryeministër në detyrë dhe deputetëve të Vetëvendosjes që kanë ushtruar pozita të ministrave dhe se në vazhdim do t’i shqyrtojnë mundësitë për në Gjykatë Kushtetuese. Kështu ka paralajmëruar pas përfundimit të seancës konstituive të Kuvendit, deputetja e LDK-së, Hykmete Bajrami, shkruan Reporteri.net.
Ajo ka thënë se ata kanë ushtruar mandatin për një periudhë që nuk është e lejuar.
“Komisioni për verifikim i ka njohur si faktike dorëheqjet deklarative të kryeministrit dhe ministrave, që nënkupton nga 27 marsi kur është bë certifikimi i zgjedhjeve të gjithë kanë bë shkelje duke ushtruar funksionin e kryeministrit, ministrave. LDK-ja do të bëjë kallëzim penal lidhur me ushtrimin e mandatit që këta e kanë bë nga 27 marsi deri sot. Ne nuk kemi ndryshuar qëndrim. Fillimisht do bëjmë kallëzim penal e më pas do shohim hapat për në Kushtetuese”, ka thënë ajo.
Bajrami ka shtuar se LDK-ja nuk ka votë për kandidatët që i propozon LVV-ja për kryeparlamentar. /Reporteri.net/.
Kuvendi i Kosovës ka dështuar ta zgjedhë Albulena Haxhiun si Kryetare të Kuvendit të Kosovës, meqë e njëjta mori 57 vota nga 61 sa nevojiten.
Deputeti Veton Berisha ka votuar pro zgjedhjes së Albulena Haxhiut si Kryetare e Kuvendit të Kosovës, teksa deputetja Duda Balje nuk ka marrë pjesë fare në votimin për Haxhiun, shkruan Reporteri.net.
Në momentin kur o votua kandidatura e Haxhiut në sallë ishin 115 deputetë. Deputetët e LDK’së votuan kundër, ata të Nismas abstenuan, teksa PDK dhe AAK nuk morën pjesë në votim.
Berisha e paralajmëroi votën pro për Kryetar të Kuvendit para fillimit të seancës, teksa për Qeverinë tha se s’ka marrëveshje. /Reporteri.net
Ministri në largim, Faton Peci, ka folur pasi e propozuara e Lëvizjes Vetëvendosje për kryetare të Kuvendit, Albulena Haxhiu dështoi të zgjidhet në këtë pozitë.
Ai ka thënë se është partia e Albin Kurtit që vendos nëse do të jetë sërish Haxhiu kandidate për kryeparlamentare apo ndonjë kandidat tjetër, shkruan Reporteri.net.
“Vetëvendosje vendos nëse vazhdon sërish me Albulena Haxhiun apo jo. Është çështje e struktures së Vetëvendosjes se kënd e propozojnë për kryetare të Kuvendit”, tha Peci pas seancës.
Kujtojmë se pro zgjedhjes së Haxhiut për kryekuvendare kanë votuar 57 deputetë, kundër 20 dhe tri abstenime nga Nisma.
Deputetët e LDK-së votuan kundër, ndërsa ata të PDK’së AAK-së nuk morën pjesë në votim. /Reporteri.net/.
Kryetari i Partisë Demokratike të Kosovës, Memli Krasniqi, ka thënë se dështimi për ta zgjedhur Albulena Haxhiun si kryeparlamentare e dëshmoi se Lëvizja Vetëvendosje e ka krijuar bllokadën këto ditë pasi nuk i ka numrat.
“Krejt bllokada që ka ndodh këto ditë ka ndodhur për faktin që e pamë: këta nuk kanë numra, i kanë pas 52 vota, tash i kanë 57 e nuk do t’i bëjnë 61”, ka thënë Krasniqi.
Propozimi i VV-së për ta zgjedhur Haxhiun si kryeparlamentare mori 57 vota. Duhen 61.
Kuvendi i Kosovës ka dështuar ta zgjedhë Albulena Haxhiun si Kryetare të Kuvendit të Kosovës, shkruan Reporteri.net.
Pro kanë votuar 57 deputetë, kundër 20 dhe tri abstenime nga Nisma. Deputetët e LDK-së votuan kundër, ndërsa ata të PDK’së AAK-së nuk morën pjesë në votim.
Në sallë ishin 115 deputetë.
Propozimin për Haxhiun e bëri Nënkryetari i VV’së, Glauk Konjufca./Reporteri.net
Lëvizja Vetëvendosje e ka propozuar Albulena Haxhiun për kryetare të Kuvendit, shkruan Reporteri.net.
Propozimin e saj e ka bërë ish-kryeparlamnetari Gluk Konjufca.
Ky i fundit ishte më parë kryetar i Kuvendit.
Deputetët e rinj, të legjislaturës së 9-të, të Kuvendit të Kosovës janë betuar, pas verifikimi të mandateve nga Komisioni.
Tekstin e betimit e ka lexuar Kryesuesi i seancës, Avni Dehari.
Paraprakisht, deputetët e Kuvendit të Kosovës kanë votuar për raportin e Komisionit të përkohshëm për verifikimin e mandatave dhe kuorumit.
Raporti u miratua nga 119 deputetë, aq sa ishin të pranishëm në sallë.
Kryesuesi i Komisionit, Artan Abrashi paraqiti para deputetëve raportin për verifikimin e mandateve, bazuar në certifikimin e rezultateve nga KQZ-ja, përmban edhe listën e 120 deputetëve të rinj.
Miratimi i këtij raporti i hap rrugën betimit të deputetëve të legjislaturës së nëntë të Kuvendit të Kosovës.
Me 119 vota pro është miratuar raporti i Komisionit të verifikimit të mandateve dhe kuorumit.
Më pas u bë betimi i deputetëve.
Tash në rend dite është propozimi për zgjedhjen e kryeparlamentarit.
Kryetari i Aleancës për Ardhmërinë e Kosovës, Ramush Haradinaj, ka thënë se nëse arrihet te zgjedhja e kryeparlamentarit, ai do të votonte për vetëm nëse kandidate nga Vetëvendosje për këtë pozitë janë Saranda Bogujevci apo Shqipe Mehmeti-Selimi, shkruan Reporteri.net.
Haradinaj tha se ka tashmë dakordim për votimin e raportit të komisionit për verifikimin e mandatave dhe se pas votimit pritet të vazhdohet me betimin e deputetëve e zgjedhja e kryetarit.
“Personalisht nëse do të ishin kandidat për kryetar nga VV Saranda Bogujevci ose Shqipe Selimi, i votoj edhe Aleanca i voton”, ka thënë Haradinaj.
Kryetarja e Unionit Socialdemokrat nga radhët e komunitetit boshnjak, Duda Balje dhe Veton Berisha, kryetar i Partisë Liberale Egjiptiane janë ulur mbrapa karrigeve të koalicionit AAK-NISMA.
Ata shihen duke biseduar me kryetarin e AAK-së, Ramush Haradiaj, shkruan Reporteri.net.
Ulur pranë Baljes e Berishës shihet deputeti i AAK-së Bekë Berisha.
Nuk ka ende ndonjë informatë nëse deputetët Balje e Berisha do të bëhen pjesë e Grupit Parlamentar të AAK-së.
Ndërsa Adem Hoxha në seancën e kaluar ka konfirmuar se do të jetë pjesë e GP të AAK-së.
Kujtojmë se ditë më parë në një paraqitje televizive për TV Dukagjin, Time Kadrijaj nga AAK e la mundësinë që Balje dhe deputetë të tjerë të bashkohen me partinë e tyre. /Reporteri.net/.
Kryetari i Partisë Demokratike të Kosovës, Memli Krasniqi, ka deklaruar se Kryeministri në detyrë, Albin Kurti dhe ministrat kanë dhënë dorëheqje individualisht, shkruan Reporteri.net.
Krasniqi tha se ky dorëheqja është përfshirë në procesverbal të raportit, me propozim të PDK’së.
“Kërkesa dhe rekomandimi i deputetit Përparim Gruda është miratuar ashtu që të evidentohet në proces verbal të raportit që të gjithë ministrat e bashkë me ta edhe kryeministri kanë dhënë dorëheqje individualisht…Dorëheqja është evidentuar saktësisht, individualisht në procesverbalin e takimit”, ka thënë Krasniqi.
Ai ka bërë me dije se do ta votojnë raportin e komisionit për verifikimin e mandateve të deputetëve, teksa shtoi se janë të gatshëm edhe për zgjedhje.
Krasniqi tha se sot kanë ardhur në Kuvend që ta zhbllokojnë situatën e krijuar.
“Ky ndryshim na ka mundësuar që të votohet raporti”, shtoi Krasniqi./Reporteri.net
Deputetët e Kuvendit votuan me 120 vota pro që të nisë përpilimi i raportit të ri për verifikimin e mandateve nga Komisioni i njëjtë.
Përfaqësuesit e partive janë mbledhur në një sallë të Kuvendit dhe për 30 minuta do të përpilojnë raportin, ndërsa disa deputetët tjerë po qëndrojnë në sallën plenare të seancave.
Këtë pushim për të biseduar pak me njëri-tjetrin e kanë shfrytëzuar ish-kryekuvendari Glauk Konjufca me deputetët e LDK-së, Avdullah Hotin e Hykmete Bajramin, shkruan Reporteri.net.
Në videon e publikuar nga Reporteri.net shihet Konjufca i buzëqeshur pranë Hotit e Bajramit.
Siç mund ta shikoni, raportet mes tyre duken më të reklasuara. /Reporteri.net/.
Komisioni për Verifikimin e Mandateve është mbledhur sërish.
Të 120 deputetët kanë votuar që përbërja e Komisionit të jetë e njëjta, shkruan Reporteri.net.
“Konstatoj se 120 deputetë të gjithë janë për Komisionin e njejtë…për 30 minuta të mblidhen dhe të përpilojnë raportin e ri të Komisionit për verifikimin e mandative të deputetëve”, tha Kryesuesi Avni Dehari.
Dakordimi për mbledhjen e këtij komisioni u bë në takimin konsultativ që Dehari e thirri para nisjes së seancës.
Pas takimit u tha se ka unitet që raporti të votohet nga të gjithë deputetët./Reporteri.net
Në Kuvendin e Kosovës ka nisur seanca konstituive. Të pranishëm janë 120 deputetë, shkruan Reporteri.net.
Paraprakisht, Kryesuesi i seancës, Avni Dehari, ftoi për konsultim partitë politike.
Pas përfundimit të takimit, u tha se është arritur dakordim si të dilet nga situata e krijuar.
Nënkryetarja e Lëvizjes Vetëvendosje, Albulena Haxhiu, tha se në këtë takim të gjitha partitë u pajtuan që mënyra e vetme për të dalë nga situata e krijuar është që të gjithë deputetët të votojnë për raportin e Komisionit për Verifikimin e mandatave të deputetëve, shkruan Reporteri.net.
Ajo tha se VV’ja si e vetme nuk do të votojë për këtë raport.
“Ishte dakordimi në këtë takim konsultativ nga të gjithë partitë politike që ta autorizojmë edhe njëherë këtë komision për verifikim të mandatave, të votohen unanimisht raporti sepse keni parasysh nuk është përgjegjësi e mazhorancës që të vërifikojë mandatet e opozitës. Si përfundim, edhe nga ky takim konsultativ u dakorduam të gjithë pa asnjë dallim se e vetmja mënyrë se si mund të dalim nga kjo situatë, është që nëse votojmë të gjithë deputetët për raportin. Për këtë u pajtuan edhe subjektet e tjera, edhe ne. Vetëvendosje nuk do të votojë si e vetme për raportin..Kjo s’do të ndodhë. Uroj që dakordimin që e e kemi pas t’i përmbahen subjektet”, dekalroi Haxhiu./Reporteri.net
Nënkryetarja e Lëvizjes Vetëvendosje, Albulena Haxhiu, është deklaruar para gazetarëve pas përfundimit të takimit konsultativ që u ftua nga Kryesuesi Avni Dehari para vazhdimit të seancës konstituive.
Haxhiu tha se në këtë takim të gjitha partitë u pajtuan që mënyra e vetme për të dalë nga situata e krijuar është që të gjithë deputetët të votojnë për raportin e Komisionit për Verifikimin e mandatave të deputetëve, shkruan Reporteri.net.
Ajo tha se VV’ja si e vetme nuk do të votojë për këtë raport.
“Ishte dakordimi në këtë takim konsultativ nga të gjithë partitë politike që ta autorizojmë edhe njëherë këtë komision për verifikim të mandatave, të votohen unanimisht raporti sepse keni parasysh nuk është përgjegjësi e mazhorancës që të vërifikojë mandatet e opozitës. Si përfundim, edhe nga ky takim konsultativ u dakorduam të gjithë pa asnjë dallim se e vetmja mënyrë se si mund të dalim nga kjo situatë, është që nëse votojmë të gjithë deputetët për raportin. Për këtë u pajtuan edhe subjektet e tjera, edhe ne. Vetëvendosje nuk do të votojë si e vetme për raportin..Kjo s’do të ndodhë. Uroj që dakordimin që e e kemi pas t’i përmbahen subjektet”, dekalroi Haxhiu./Reporteri.net
Zëvendëskryeministrja në largim, Emilija Rexhepi ka thënë se Duda Balje nuk do të jetë ministre.
Por, nuk ka vonuar shumë dhe ndaj saj ka reaguar deputetja e zgjedhur Duda Balje.
Ajo ka thënë se nuk e shet besimin për një karrige.
“Ka nga ne që nuk e shesin besimin për një karrige!”, ka thënë ajo.
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
