Deputeti i VV-së largohet nga objekti i Kuvendit: Nuk kemi informacion për seancë sonte

Deputeti i VV-së, Artan Abrashi ka thënë se nuk ka ndonjë informacion që në orët në vazhdim pritet të ketë seancë për ndryshimin e Ligjit për Zgjedhjet apo për çështjen e presidentit, shkruan Reporteri.net.


Ai ka lënë objektin e Kuvendit derisa është shprehur se nuk ka informata për seancë.

Përveç Abrashit, nga objekti i Kuvendit janë larguar edhe disa deputetë të tjerë të Vetëvendosjes.

Ndërkohë nuk ka ende asnjë konfirmim nëse Kuvendi i Kosovës do të mblidhet sonte siç është paralajmëruar.

Kryesia e Kuvendit ka njoftuar se ka proceduar në Qeveri projektligjin për Zgjedhjet.

Inicimi i Ndryshimit të Ligjit për Zgjedhjet në Kosovë ka nxitur reagime të shumta. AAK, LDK dhe PDK e kanë cilësuar të ngutshme këtë iniciativë dhe kanë thënë se nuk do ta përkrahin. /Reporteri.net