Lëvizja Vetëvendosje ende nuk është shprehur pro apo kundër propozimit të Ministrit të Mbrojtjes, Anton Quni.

Se Vetëvendosje akoma nuk e ka thënë fjalën e fundit për këtë çështje e ka konfirmuar edhe deputeti i kësaj partie, Mefail Bajqinovci.

“Të gjitha janë spekulime mediatike: VV-ja ende nuk e ka dhënë fjalën e vet për atë që e propozoi ministri Quni”, ka shkruar ai.

Kujtojmë se Ministri i Mbrojtjes, Anton Quni i ka kërkuar kryeministrit Kurti që ta kthejë Agim Veliun në detyrë dhe të reflektojë mbi taksën, në mënyrë që mocioni i votëbesimit të tërhiqet. Quni ka thënë se ai do të bëjë çmos që ta bindë kryetarin e LDK-së, Isa Mustafa dhe deputetët që ta tërheqin mocionin, në rast se Kurti reflekton. /Reporteri.net