Deputetja e Lidhjes Demokratike të Kosovës, Doarsa Kica-Xhelili, ka reaguar për rastin e vrasjes së 35-vjeçares shtatzënë në oborrin e QKUK’së.
Kica-Xhelili ka pyetur se edhe “sa gra duhet të vdesin që ta kuptojmë brutalitetin e mendësisë që shpërfaqim çdo ditë ndaj grave e vajzave tona? “. Ajo ka pyetur edhe se çka do t’iu thuhet familjarëve për rastin.
“Çka ti themi familjarëve? Dështuam prap? Na falni? Ngushëllime? Për të satën herë? Edhe sa herë?”, ka shkruar Kica-Xhelili.
Sipas Ahmetit, viktima është 35-vjeçare.
“Rreth orës 18:00, kemi pranuar informatën për një trup të pajetë, në oborrin e QKUK-së në Prishtinë. Policia menjëherë ka dalë në vendin e ngjarjes si dhe ekipi mjekësor të cilët kanë konstatuar vdekjen e viktimës, femër, rreth 35 vjeç. Mbështetur në informacionet e para, dyshimet e ngritura sugjerojnë se bëhet fjalë për vrasje. Aktualisht policia në koordinim me prokurorin e shtetit ka nisur një hetim dhe po vijon ndërmarrjen e të gjitha veprimeve hetimore dhe të ekzaminimit, me qëllim sqarimin e plotë të ngjarjes”, ka thënë Ahmeti.
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
