Deputetja e VV-së tregon se çfarë masa anti-Covid do të ketë në Kosovë

Nënkryetarja e Lëvizjes Vetëvendosje, Fatmire Mulhaxha Kollçaku ka thënë se ka parë konstruktivitet nga LDK-ja deri më tani sa i përket çështjes së zgjedhjes së presidentit.


“Vjosa Osmani me listën e saj vetëm i është bashkangjitur Lëvizjes Vetëvendosjes. Ajo nuk ka ndonjë parti të saj për momentin. E dini si është përjashtuar nga LDK. Prandaj si e pavarur ajo i plotësin të gjitha kriteret për presidente”, tha ajo.

“Neve zgjedhjet na u imponuan, pasi që kur u rrëzua Qeveria Kurti 1 i patëm thënë partnerit që mos te vepronin ashtu në pandemi.”

Nënkryetarja e LVV-së e cila është edhe epidemiologe me profesion ka thënë se për të luftuar pandeminë e COVID-19, duhet të fuqizohen inspektoratet.

“Ju e dini që gjatë ditës lokalet janë të stërmbushura. Nuk ka efekt nëse në mbrëmje mbyllen lokalet… Do të ketë masa adekuate për situatën aktuale epidemiologjike, por askush nuk do të vendos krye në veti…Do të merren masat që janë të nevojshme. Çka do që të ndodh do të ketë edhe masa mbështetëse. E kuptojmë që një mbyllje tjetër dëmton ekonominë”, tha ndër të tjera Kollçaku në RTV Dukagjini.