Komisioni Qendror i Zgjedhjeve, ka njoftuar se deri në ora 15:00, kanë dalë për të votuar 32.32 apo 567 mijë e 934 qytetarë.

Krahasuar me daljen e përgjithshme të qytetarëve në zgjedhjet e 6 tetorit të vitit 2019, vërehet rritje prej 38 mijë e 852 votuesish, shkruan Reporteri.net.

Më 6 tetor të vitit 2019, deri në orën 15:00, dalja e qytetarëve për të votuar ishte 29,47% ose 529.082 votues.

KQZ gjatë ditës ka njoftuar edhe për daljen e qytetarëve në votime deri në ora 11:00. KQZ ka njoftuar se pjesëmarrja e qytetarëve në votime deri në ora 11:00 ishte 8,30 %, apo 145 mijë 650 votues.

Kjo përqindje është më e ulët krahasuar me zgjedhjet e vitit të kaluar, kur deri në ora 11:00, të drejtën e votës e kishin shfrytëzuar 174 mijë e 669 votues.

Kosova po voton sot për zgjedhjet e jashtëzakonshme parlamentare, më pak se një vit e gjysmë nga zgjedhjet e fundit.

Zgjedhjet po mbahen edhe mes pandemisë së koronavirusit që ka prekur më shumë se 64 mijë persona në vend, si dhe ka lënë të vdekur më shumë 1,500 prej tyre. /Reporteri.net