Avokati mbrojtës i kryetarit të Istogut, Besnik Berisha, ka thënë se do të kërkohet hetim urgjent nga Prokuroria Speciale në lidhje me rastin e Haki Rugovës.

Kjo pasi që sipas tij, Prokuroria Themelore në Pejë nuk ka qenë kompentente për arrestimin e tij dhe as të iniciojë hetim ndaj Rugovës, shkruan Reporteri.net.

Berisha akuzon Prokurorinë se ka prezantuar fakte të falsifikuara dhe prandaj tani e ka ulur kokën që ta presë një vendim për Rugovën.

“Nëse ka drejtësi, vendimi do të jetë i drejtë për z.Rugova dhe ai do të kthehet në shtëpi, do të kthehet tek qytetarët e vet që t’iu shërbejë me ndershmëri.”, ka thënë Berisha para gazetarëve.

Kryetari i Istogut është arrestuar të premtën e 9 tetorit me urdhër të prokurorisë, bashkë me ish-nënkryetarin e kësj komune, Lulzim Blakaj dhe zyrtarin ligjor, Faton Bujupi.

Sipas Policisë, tre të dyshuarit janë arrestuar për keqpërdorim të detyrës zyrtare. /Reporteri.net