Ramush Haradinaj sot ka dhënë dorëheqje të parevokueshme nga posti i Kryeministrit të Republikës së Kosovës.

Ai ka marrë ftesë nga Gjykata Speciale për t’u intervistuar si i dyshuar, shkruan Reporteri.net

Me këtë rast, Haradinaj u bë temë kryesore në mediat tona, por jo vetëm, ky lajm bëri bujë jashtëzakonisht të madhe edhe në mediat e huaja.

“Deutsche Welle, France 24, Euronews, Francais.rt.com, 24ur.com”, janë vetëm disa nga media të cilat kanë reaguar deri më tani për dorëheqjen e Haradinajt.

Ndryshe, siç mëson Gazeta Online “Reporteri.net”, ish-komandanti i UCK-së për Zonën e Dukagjinit, do të merret në pyetje nga prokuroret e specializuar në Hagë, më 24 korrik 2019 – që i bie të enjten e ardhshme.

“Javën tjetër do ta kem intervistimin, dhe kam vlerësuar se atje nuk mund të paraqitem si kryetar i Qeverisë, por si një qytetar i Kosovës. Për me e ruajt nderin e kryetarit të Qeverisë edhe të shtetit, kam menduar se është e drejtë me e marrë këtë vendim”, ka thënë Haradinaj, i emocionuar para gazetarëve./Reporteri.net/