Eksperti i sigurisë Drizan Shala ka folur për sfidat e brendhsme dhe të jashtme që përkojnë me krijimin e institucioneve të reja të sigurisë në Kosovë.
Shala në një prononcim për Kosovo Online tregon se Kosova ka themeluar institucione të ndryshme të lidhura me zinxhirin e sigurisë, por në të njëjtën kohë deklaron se përkundër kësaj, krimi i organizuar, korrupsioni dhe krimi ekonomik janë fusha ku mekanizmat aktualë kanë mbetur prapa, transmeton Reporteri.net.
“Kosova ka mekanizma të sigurisë siç janë një agjenci e inteligjencës, policia dhe forca anti-terrorizëm. Por, në Kosovë, duhet të formohen katër mekanizma të sigurisë që do të përmbyllin arkitekturën e sigurisë, dhe ata janë: Agjencia për Mbrojtjen e të Dhënave të Klasifikuara, Agjencia për Mbrojtjen nga Sulmet Kibernetike, Agjencia e Inteligjencës dhe Kundërzbulimit dhe Agjencia Kombëtare e Hetimit”, thotë Shala.
Sipas tij, veriu paraqet githmonë sfidë për çështjen e sigurisë në Kosovë. Ai thotë se Prishtina nuk ka kontroll të plotë mbi këtë zonë, ndërsa prania e institucioneve paralele besnike ndaj Beogradit e ndërlikon më tej situatën.
“Shkelja e integritetit territorial të Republikës së Kosovës është një nga rreziqet e larta. Aktiviteti i strukturave paralele serbe në veri të lumit Ibër, si dhe mungesa e qasjes së institucioneve të Kosovës në 18% të territorit, imponon nevojën për analiza periodike të situatës. Kjo është veçanërisht e vërtetë kur merrni parasysh faktin e krimit të përhapur në këtë pjesë të territorit, i cili dëmton imazhin e Kosovës”, tha Shala ndër të tjera.