Dy raste të reja me koronavirus, një në Gjilan e tjetri në Malishevë

Lajme

Dy raste të reja me koronavirus, një në Gjilan e tjetri në Malishevë

Reporteri

22 Mars 2020 | 19:19

Janë shënuar edhe dy raste të reja me koronavirus në vendin tonë.

Njëri rast është në Gjilan, kurse tjetri në Malishevë. Me këto dy raste shkon në 33 numri i personave të prekur me koronavirus, shkruan Reporteri.net.

Njoftimi:

Lexo edhe:

Bizneset e Kosovës kërkojnë shtyrjen e liberalizimit të energjisë, paralajmërojnë protesta

Dyshohet se u keqpërdorën mbi 100 mijë euro në një çerdhe në Prishtinë, arrestohet një person

Shqiptari Gino Mulliqi zgjidhet nënkryetar i komunës Wylie, në Texas të SHBA-së

DY RASTE TË KONFIRMUARA ME COVID-19!

22/03/2020
Ora 19:00

Sot me 22.03.2020 në Laboratorin e Mikrobiologjisë Molekulare në IKSHPK me metodën RT-PCR, janë testuar dhjetë (10) mostra të dyshimta për virusin SARS-CoV-2 dhe dy (2) prej tyre janë pozitive.

Dy prej rasteve pozitive janë raste kontakti njëri me vendbanim nga fshati Vrapçiç komuna e Gjilanit, e gjinisë femër me moshë 50 vjeç dhe tjetri me vendbanim nga fshati Domanek komuna e Malishevës i gjinisë mashkull i moshës 53vjeç.

Nga data 08.02.2020 deri me 22.03.2020, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 577 mostra të dyshimta në virusin SARS-CoV-2 dhe prej tyre, gjithsej tridhjetë e tri (33) raste kanë rezultuar pozitive. /Reporteri.net/.

Shpërndaje: