Një ngjarje e rëndë ka ndodhur gjatë ditës së djeshme në Lagjen e Spitalit në Prishtinë, ku si pasojë e të shtënave me armë zjarri, u plagosën katër persona, dy prej të cilëve më pas ndërruan jetë.

Shefi i Klinikës Intenzive, Shaqir Uka, ka thënë se dy nga të përfshirët në plagosjen me armë ditën e djeshme në “Mati 1”, janë shtrirë në QKUK.

Sipas Ukës gjendja e tyre është e rëndë, njëri nga plagosurit ka plagë në kokë e tjetri në gjoks.

Priten edhe rezultatet tjera nga analizat dhe tretmani i tyre do të vazhdojë, gjendja e tyre do të përcillet vazhdimisht.