Në Klinikën e Urologjisë në Qendrën Klinike Universitare të Kosovës është dyfishuar numri i sallave operative, nga dy sa ishin, në katër, raporton Gazeta Online Reporteri.net.

Ministri i Shëndetësisë, Arben Vitia, përmes një postimi në rrjetin social Facebook ka thënë se pas investimeve në repart dhe përfundimeve të punimeve në bllokun operativ, Urologjia u shndërrua në Klinikë model.

“Pas investimeve në repart dhe përfundimit të punimeve në bllokun operativ, urologjia u shndërrua nga klinika me kushtet më të rënda në klinikë model.

Numri i sallave moderne u dyfishua nga 2 në 4: një për intervenimet e vogla kirurgjike dhe një për intervenimet endourologjike. Po ashtu, u sigurua hapësira për sallën e urodinamikës.

U vendosën:

🔹 Filter zona për eliminimin e infeksioneve intrahospitalore

🔹 Hepafiltera

🔹 Sistemi i oksigjenit, klimatizimit, ventilimit dhe ngrohjes”, shkroi Vitia.