Një person ka vdekur pasi është goditur nga një veturë në rrugën Prishtinë – Pejë, te semaforët në fshatin Bresje.

Lajmin e ka bërë të ditur zëdhënësi i Policisë së Kosovës, Daut Hoxha për Gazetën Online Reporteri.net.

Ai ka thënë se vdekjen e personit te ka konstatuar ekipi mjekësor në vendin e ngjarjes.

“Më datën 30.03.2025, rreth orës 21:00 në rrugën Prishtinë – Pejë, te semaforët në fshatin Bresje është shkaktuar një aksident trafiku mes një veture dhe një këmbësori. Në vendin e ngjarjes kanë dalë njësitet policore dhe autoambulanca, ku mjeku kujdestar ka konstatuar vdekjen e një personi (M/K)”.

“Rruga Prishtinë – Pejë është mbyllur përkohësisht, përderisa hetimet lidhur me rastin janë në proces nga njësitet kompetente policore”, ka deklaruar Hoxha.

/Reporteri.net/.